Сүт тармагына жылдык 6% менен насыя берилүүдө - буга чейин 27.9 млн сом берилди
Финансы министрлигине караштуу Финансы-кредиттик фонду тарабынан “Сүт тармагын кредиттөө долбоору” иштелип чыкты. Бул тууралуу аталган министрликтин маалымат кызматы билдирди.
Программа сүт өндүрүү боюнча бодо малдын санын көбөйтүүгө жана сүт тармагынын өндүрүмдүүлүгүн жогорулатууга багытталган.
Бүгүнкү күндө 70 субъектке 27 млн 860 миң сом насыя берилди.
Алардын ичинен облустар боюнча:
- Ысык-Көл облусу – 11.5 млн сом
- Талас облусу – 6.4 млн сом
- Чүй облусу – 3.2 млн сом
- Жалал-Абад облусу – 2.8 млн сом
- Нарын облусу – 4 млн сом.
Эскерте кетсек кредиттер төмөнкү шарттар менен берилет:
- Айылдык өндүрүшчүлөргө – 500 миң сомго чейин
- Фермалар үчүн – 1 млн сомго чейин
- Шарттары: жылдык 6%га чейин
- финансылык санкциялар – жылына 12%
- Күрөөгө каралган шарттар – 150 миң сомго чейин кредиттерди «кепилдик» менен берүүнү карайт
- Мөөнөтү – 36 айга
чейин, негизги карызды жабуу үчүн 9 ай жеңилдетилген убактысы менен жана квартал сайын бекитүү шарт.
Насыяларды берүү боюнча кошумча маалымат алуу үчүн КРнын
Финансы министрлигине караштуу Финансы-кредиттик фондго кайрылуу керек: 0(312) 30-48-83; 0(997)88-55-54; 0(755) 55-88-71;
Дареги: Бишкек шаары, Эркиндик бульвары 58. КРнын Финансы
министрлигинин Борбордук казыналыгынын имараты.
