Бийлик дары-дармектерди ташып кирүүдөн тартып, калкка сатылганга чейин көзөмөлдөгөн системаны ишке киргизүүнү көздөөдө

Назира Абдиева

15 сент. 2022 16:19

Министрлер кабинетинин төрагасынын орун басары Эдил Байсалов дары-дармек менен камсыздоо жана дары-дармек каражаттарын жана медициналык буюмдарды жүгүртүүнү көзөмөлдөө жана контролдоо механизминин жаңы технологияларын ишке киргизүү маселеси боюнча кеңешме өткөрдү. Бул тууралуу минкабдын маалымат кызматы билдирди.

Саламаттыкты сактоо министрлигинин жетекчилери белгилегендей, иштелип чыккан система контрафакттык медициналык продукцияга каршы күрөшүү аркылуу дары-дармек каражаттарынын коопсуздугун камсыз кылууга, эл аралык стандарттарга ылайык ачык-айкын лицензиялоо процесси аркылуу рынокто дары-дармектердин жана медициналык буюмдардын сапатын жогорулатууга мүмкүндүк берет.

«Автоматташтырылган системаны ишке киргизүү мамлекет тарабынан дары-дармектерге жана медициналык буюмдарга бөлүнгөн каражаттарды сарамжалдуу пайдаланууга жана жүздөгөн миллион сомду үнөмдөөгө мүмкүндүк берет. Система милдеттүү медициналык камсыздандыруу каражаттарынын даректүү пайдаланылышын жана дары-дармек каражаттарын ташып кирүүдөн тартып бүткүл республика боюнча, анын ичинде жеке дарыкана тармактары аркылуу калкка таратууга чейинки жүгүртүүнү көзөмөлдөөнү камсыздайт», — деди Байсалов.

Белгилүү дары-дармектердин бар экендиги жана анын жайгашкан жери жөнүндө реалдуу убакытта маалымат алууга болот. Жарандар сатылып алынган дары-дармектердин мыйзамдуулугун текшерип, ал боюнча керектүү маалыматтарды ала алат.

“Система аркылуу чогултулган дары-дармекти керектөө тууралуу маалыматтар саламаттыкты сактоонун улуттук стратегиясын иштеп чыгуу үчүн колдонулат. Система дээрлик реалдуу убакытта бүткүл өлкө боюнча дары-дармек менен камсыздоонун абалын баалоого мүмкүндүк берет жана дары-дармектердин баасын көзөмөлдөө мүмкүнчүлүгүн жогорулатат”, – деп айтылат маалыматта.

Кеңешменин жыйынтыгы боюнча Министрлер минкабдын жетекчилиги тарабынан дары-дармектерди көзөмөлдөөнүн жаңы системасын киргизүүнү тездетүү боюнча конкреттүү тапшырмалар берилди.

Мындан тышкары окуңуз

Кыргызстанда мөңгүлөрдүн саны 16%га кыскарды

2100-жылга чейин Кыргызстан 80% чейин мөңгүлөрүн жоготту. Бул тууралуу президент Садыр Жапаров бүгүн, 22-апрелде Астана шаарында өтүп жаткан Регионалдык экологиялык саммиттин пленардык жыйынында билдирди. Мамлекет башчысы белгилегендей, өлкө климатын өзгөрүшүнүн кесепеттерин өтө чоң көлөмдө тартып жатат. “Кыргызстанда мөңгүлөрдүн аянты 16% кыскарды. 2100-жылга чейин Кыргызстан 80% чейин мөңгүлөрдүн жоготушу мүмкүн. Мөңгүлүү

Кыргызстанга быйыл 2 айда 25 892 автоунаа импорттолгон

2026-жылдын январь–февраль айларында Кыргызстанга 25 892 жеңил автоунаа импорттолгон. Алардын жалпы наркы 203,2 млн долларды түзгөнү Улуттук статистика комитетинин маалыматтарына жасалган талдоодон белгилүү болду. Импорт көлөмү сан жагынан 39%га, ал эми акчалай көрсөткүчтө 35,4%га өскөн. Негизинен январь айында жеңил автоунаалар төмөнкү өлкөлөрдөн алып келинген: * Кытайдан

Кыргызстан–Армения: соода, инвестиция жана транспорт тармактары талкууланды

Президент Садыр Жапаров бүгүн Казакстандын Астана шаарында Армения Республикасынын Президенти Ваагн Хачатурян менен жолугушту. Бул тууралуу Президенттин Администрациясынан билдиришти. Жолугушуунун жүрүшүндө тараптар кыргыз-армян кызматташтыгынын учурдагы абалын жана келечегин талкуулашты. Ошондой эле ЕАЭБ, ЖККУ, БУУ жана башка эл аралык уюмдардын алкагында өз ара аракеттенүү маселелерине көңүл бурулду. Сүйлөшүүлөрдө саясий диалогду тереңдетүү,

Таңгакталган сууну маркалоодон бюджетке 2,8 млрд сом салык түштү

Мамлекеттик салык кызматынын маалыматына ылайык, 2026-жылдын январь-март айларында таңгакталган сууларга 42,7 млн эсептик-контролдук марка берилди. Маркаланган продукциянын жалпы көлөмү 95,2 млн литрди түздү. Эсептик-контролдук маркаларды киргизүүнүн натыйжасында таңгакталган сууну, анын ичинде газдалган жана минералдык сууларды өндүрүүчүлөрдөн жана импорттоочулардан бюджетке 2,8 млрд сом салык түшкөн. Бул көрсөткүч 2025-жылдын