Кыргызстанга быйыл 2 айда 25 892 автоунаа импорттолгон
2026-жылдын январь–февраль айларында Кыргызстанга 25 892 жеңил автоунаа импорттолгон. Алардын жалпы наркы 203,2 млн долларды түзгөнү Улуттук статистика комитетинин маалыматтарына жасалган талдоодон белгилүү болду.
Импорт көлөмү сан жагынан 39%га, ал эми акчалай көрсөткүчтө 35,4%га өскөн.
Негизинен январь айында жеңил автоунаалар төмөнкү өлкөлөрдөн алып келинген:
- Кытайдан — 12 687 даана;
- Түштүк Кореядан — 8 799 даана;
- АКШдан — 1 329 даана;
- Япониядан — 715 даана.
Белгилей кетсек, 2025-жылдын жыйынтыгы боюнча Кыргызстан алдын ала маалыматтарга ылайык 139 065 жеңил автоунааны импорттогон. Алардын жалпы наркы 1 млрд 78,6 млн долларын түзгөн.
