Ош аэропортунда жүк таңгактагандар күнүнө 150 миң сомдон табышат, бирок салык төлөшпөйт
Оштон Россияга учкан жүргүнчүлөрдүн жүгүн ороп берген кызматы ар бир сумка же капты 300 сомдон ороп берет. Бул тууралуу жергиликтүү тургундардын бири “Фейсбук” баракчасында билдирди.
Эрнис Нурдин ысымдуу жаран Ош аэропортунда жүк ороп иштегендерге күнүнө 500дөй адам кайрыларын бирок бул ишти көзөмөлдөгөн эч ким жоктугун айтат.
“Оротпосоң катоодон өткөрбөйт. Орогонуна макул, бирок, эч кандай чек бербейт, нак эсептешет. Күнүнө жок дегенде 500 адам Россиянын булуң-бурчуна учуп турат. 500×300= 150 000 сом. 30 күндө × 150 000 сом = 4 млн 500 миң сом.
Бир айда 4.5 млн сом сол чөнтөкө кетип атабы ошондо? Салык кызматы жөнөкөй элге келгенде чек, патентти сыгып жатат. Ош аэропортундагы жүк орогон оромолчуну ким текшерет?”, – дейт ал.
