Кыргызстандын калкынын бештен экиси толук кандуу тамактанууга мүмкүнчүлүгү жок
Кыргызстандын калкынын бештен эки бөлүгү (38%) туура тамактанууга мүмкүнчүлүгү жок. Бул маалыматтар Айыл чарба министрлигинин БУУнун Дүйнөлүк азык-түлүк программасы (БУУ ДАТП) менен биргеликте жүргүзгөн Пайдалуу заттардын жетишсиздигин толуктоо (ПЗЖТ) боюнча изилдөөсүндө айтылат.
Белгиленгендей, 2012-2021-жылдар аралыгында бойдун өспөй калуу көрсөткүчтөрү 18%дан 7%га чейин төмөндөгөнүнө карабастан, ашыкча салмактан жана семирүүдөн жана аны менен байланышкан жугуштуу эмес оорулардан жапа чеккен балдардын жана чоңдордун пайызы кескин көбөйүп, микроэлементтердин жетишсиздиги уланууда.
ПЗЖТ изилдөөсүнө ылайык, пайдалуу заттарды жетиштүү түрдө камтыган рацион күнүмдүк энергетикалык муктаждыкты канааттандырган рационго караганда үч эсе кымбат турат, энергетикалык муктаждыкты канааттандырган рациондун орточо күнүмдүк наркы беш адамдан турган үй-бүлө үчүн 107 сомду түзөт, ал эми ошол эле үй-бүлө үчүн пайдалуу заттарды жетиштүү түрдө камтыган рациондун орточо баасы дээрлик 3 эсе жогору болуп, 296 сомду түзөт.
Пайдалуу заттардын жетишсиздиги КРда туура эмес тамактануунун
натыйжасында келип чыккан оорулардын өнүгүүсүнө жол ачууда. Тамактануунун сапатын жакшыртуу маселесин чечүүнүн бир жолу жок, демек, туура тамактанууга байланыштуу иш- чараларды социалдык коргоо программалары менен айкалыштыруу аркылуу аялуу үй- бүлөлөргө пайдалуу азык-түлүктүн жеткилүүлүгүн камсыз кылууга мүмкүн.
Изилдөө мектеп тамак-ашынын азыктык курамы боюнча айкын колдонмолор жана жоболор аркылуу мектептеги тамактандыруу программаларын күчөтүү, мамлекет тараптан каржылоону көбөйтүүнү илгерилетүү, мектептеги тамактануу программасын башка курактарга (мектепке чейинки курактагы балдар жана өспүрүмдөр сыяктуу) кеңейтүүнү сунуштайт.
