Кыргызстандын товарларынын экспорту 23%га кыскарды
2022-жылдын тогуз айында Кыргызстандын башка өлкөлөр менен тышкы соодасынын көлөмү 9 млрд 657.8 млн долларды түзүп, өткөн жылдын ушул мезгилине салыштырмалуу 41.2%га көп экенин Улуттук статистикалык комитет билдирди.
Кыргызстанга товарлардын импорту дароо 76.4%га өсүп, 7 млрд 797 млн долларды түздү, ал эми Кыргызстандын товарларын экспорттоо, тескерисинче, 23.1%га төмөндөп, 1 млрд 860.8 млн долларды түздү.
Алсак, соода түзүмүндө импорт 81%ды түзсө, экспорт болгону 19%ды, ал эми соода балансынын терс сальдосу 5 млрд 936.2 млн долларды түздү.
КРнын ЕАЭБге мүчө мамлекеттер менен өз ара соодасынын көлөмү 2022-жылдын январь-октябрында 3.8 млрд долларды түздү жана 2021-жылдын январь-октябрына салыштырмалуу 39.2%га көбөйдү. Мында экспорттук жөнөтүүлөр 1.9 эсеге, импорттук келип түшүүлөр 22.9%га көбөйгөн.
2022-жылдын январь-октябрындагы республиканын ЕАЭБге мүчө мамлекеттер менен өз ара соодасынын эң жогорку үлүшү Россияга (72.3%) жана Казакстанга (25.5%) туура келди.
- Белгилей кетсек, өткөн жылдын январь-октябрь айларында Кыргызстандын башка өлкөлөр менен болгон тышкы соодасынын өсүшү 44.6% түзгөн. Анын ичинде импорт 44.7%га, экспорт 44.3%га өскөн.
