Мамлекеттик архитектура-курулуш көзөмөлү департаментинин директору алмашты
Талантбек Иманакун уулу Мамкурулуш агенттигинин алдындагы Мамлекеттик архитектура-курулуш көзөмөлү департаментинин директору болуп дайындалды. Бул тууралуу аталган мекеменин маалымат кызматы билдирди.
38 жаштагы Талантбек Иманакун уулу 2009-жылдан 2019-жылга чейин Бишкек шаарынын мэриясынын муниципалдык кызмат системасында эмгектенген. 2020-жылдан 2021-жылга чейин Экологиялык жана техникалык коопсуздук боюнча мамлекеттик инспекциясынын Бишкек шаары боюнча аймактар аралык башкармалыгынын жетекчиси болуп иштеген.
2022-жылдын августунан декабрына чейин минкабга караштуу Архитектура, курулуш жана турак жай-коммуналдык чарба мамлекеттик агенттигинин Бишкек шаарындагы Архитектура-курулуш көзөмөлү боюнча шаардык башкармалыгынын жетекчиси болгон.
