ОКӨФ КРда 5 чакан ГЭС, кардиохирургиялык клиника жана Нарында мейманкана курууну көздөөдө

Назира Абдиева

16 дек. 2022 23:13

Учурда Орус-Кыргыз өнүктүрүү фонду (ОКӨФ) Кыргызстанда беш чакан ГЭСти курууга насыя берүү маселесин карап жатат. Бул тууралуу фонддун жетекчиси Артем Новиков Инвестиция агенттиги уюштурган бизнес эртең мененки бизнес–тамактануу учурунда билдирди.

Новиков белгилегендей, энергетика тармагында ОКӨФ буга чейин эки кичи ГЭСтин курулушун каржылаган жана дагы беш долбоор азыр даярдоо стадиясында турат. Мындан тышкары, фонд 100 мегаватт кубаттуулуктагы Куланак ГЭСин куруу долбоорун кароодо.

Фонддун башкармалыгынын төрагасынын айтымында, ОКӨФ 2022-жылы өзүнүн ченемдик укуктук базасын экономиканын реалдуулуктарына жана КРнын 2026-жылга чейин өнүктүрүүнүн улуттук программасына ылайыкташтыра баштаган. Фонд энергетика, өнөр жай жана кайра иштетүү тармагындагы долбоорлорго өзгөчө көңүл бурат.

«Буга чейин жети жылдык ишмердүүлүгүбүздүн ичинде фонддун портфелинде 70тен ашык инвестициялык долбоорлор болгон. 2022-жылы 40тан ашык жаңы инвестициялык долбоорлор жактырылган. Ири долбоорлордун бири керамикалык плитка чыгаруучу заводдун курулушу», – деди Новиков.

Мындан тышкары, фонд эл аралык деңгээлдеги заманбап кардиохирургиялык клиника да курууну көздөөдө жана ага 1.5 млн доллар жеңилдетилген насыя бөлгөн. Ошондой эле «Хан-Тенгри Нарын» мейманканасын курат.

Мындан тышкары окуңуз

ИИМ жол тыгындарын жана жол кырсыктарын алдын алууну эскертет

Аба ырайынын кескин өзгөрүшүнө жана кардын калың жаагандыгына байланыштуу, жол тескөөчүлөр республика боюнча ири унаа жолдорунда, тоолуу ашууларда жана кооптуу тилкелерде күнү-түнү кызмат өтөп, унаа агымын жөнгө салууда. ИИМдин басма сөз кызматынын билдирүүсунө караганда, жол тыгындарын жана жол кырсыктарын алдын алуу максатында орган өкүлдөрү ыкчам ишчараларды көрүлүүдө. Жолдогу көйгөйлөрдү болтурбоо

УКМК массалык экономикалык аткезчиликке катышкандарды камакка алды

УКМК Ош облусунда Өзбекстан Республикасынын 15 жаранынан жана КРнын 10 жаранынан турган трансулуттук кылмыштуу топтун ишин токтотту. УКМКнын басма сөз кызматынан маалымдагандай, алардын коргоочусу болгон КРнын Мамлекеттик бажы кызматынын эки кызматкерин, УКМКнын Мамлекеттик чек ара кызматынын бир аскери да кармалды. Бул кылмыштуу топ Түркия Республикасынан кымбат баалуу дары-дармектерди жана зер

QR код аркылуу эки айда 1млрд 330млн сом бажы төлөмдөрү төлөндү

2025-жылдын октябрь айынын соңунда КРнын Министрлер Кабинетине караштуу Мамлекеттик бажы кызматы QR код аркылуу бажы төлөмдөрүн ишке ашырууну жолго салган. Анын максаты, тышкы экономикалык ишмердүүлүктүн катышуучулары банк кассасына көз каранды болбостон, каалаган убагында бажы төлөмдөрүн төлөө мүмкүнчүлүгүнө ээ кылуу болгон. Ага ылайык, акыркы 2 айдын ичинде (октябрдын аягы) QR код

Таласта “Манас Ордо” жана “Баластандын” курулушу кызуу жүрүүдө

Талас облусунда “Манас Ордо” улуттук комплексин реконструкциялоо жана “Баластан” заманбап оюн-зоок борборун куруу иштери активдүү уланууда. Бул тууралуу президенттин Талас облусундагы өкүлчүлүгү билдирди. Маалыматка ылайык, облус жетекчиси Эрмат Жумаев курулуш, архитектура жана турак-жай коммуналдык чарба министринин орун басары Иманакун уулу Талантбек менен биргеликте курулуп жаткан объектилердин абалы менен жеринде таанышты.