Жумуш берүүчүлөрдүн эсине: чет элдик кызматкерлердин STI-161 формасына өзгөртүүлөр киргизилди
Чет элдик жумушчулар бөлүгүндө STI-161 формасын толтуруу боюнча жардамчыга өзгөртүүлөр киргизилди. Бул тууралуу Салык кызматы билдирди.
2022-жылдын ноябрынан тартып жумуш берүүчүлөр КРнын жарандары менен катар чет өлкөлүк жумушчулар үчүн камсыздандыруу төгүмдөрүн төлөй баштагандыгына байланыштуу, киреше салыгы, мамлекеттик социалдык камсыздандыруу каражаттары жана эмгек мамилелери боюнча отчеттун (FORM STI-161) формасын толтуруу боюнча жардамчыга өзгөртүүлөр киргизилди.
STI-161 формасын толтуруу боюнча жардамчынын тиркемеси жумушчулардын жаңы категориялары менен толукталды:
- 011 – чет өлкөлүк жаран (резидент эмес)
- 011 64/69 – чет өлкөлүк жаран (резидент эмес)
- 012 – чет өлкөлүк жаран КТП (резидент эмес)
- 012 64/69 – чет өлкөлүк жаран КТП (резидент эмес).
Башка мамлекеттердин пенсионерлери болуп эсептелген чет өлкөлүк жарандар-резидент эместер боюнча отчетту түзүүдө киреше салыгын жана камсыздандыруу төгүмдөрүн эсептөө жумушчулардын 011 64/69 – резидент эместер (чет өлкөлүк жарандар) же 012 64/69 КТП категориялары боюнча жүзөгө ашырылууга тийиш.
Жумушчулардын жаңы категорияларын колдонуу менен STI-161 отчетун түзүү 2022-жылдын ноябрынан берки отчеттук мезгил үчүн ишке ашырылат.
Мында салык төлөөчүлөр тарабынан жумушчулардын эски категориялары боюнча мурда берилген 2022-жылдын ноябрь айы үчүн отчеттор такталууга тийиш (такталган отчетторду тапшыруу зарыл), анткени алардын баары Социалдык фонддун автоматташтырылган маалыматтык системасы аркылуу четке кагылат.
Эскертүү: 2022-жылдын ноябрынан берки мезгил үчүн STI-161 формасын толтуруу боюнча жардамчыга 1С же башка ушул сыяктуу программаларда түзүлгөн XML отчетторду жүктөө мүмкүн эмес, анткени аларда жумушчулардын жаңы категориялары жок.
2022-жылдын ноябрына чейинки мезгилдер үчүн жумушчулардын эски категориялары менен баштапкы же такталган отчетторду берүүгө болот.
