Эки акционер «Ак-Куу» канаттуулар фабрикасынын 98% акциясына ээ болушту
Кыргызстандагы эң ири канаттуулар фабрикаларынын бири “Ак-Куунун” дээрлик 98% акциясын көзөмөлдөө укугу эки адамга өттү. Бул тууралуу маалымат Кыргыз фондулук биржасынын (КФБ) билдирүүсүндө айтылат.
2-декабрдан тарта “Ак-Куу” ААКтын 5%дан ашык баалуу кагаздарына ээлик кылган адамдардын реестринде эки адам пайда болду:
- Мырзаев Азис Мырзаевич, ал акциялар пакетинде 48.8250% үлүшкө ээ болду
- Чолпонбаев Чынгыз Мырзаевич, 48.8248% үлүшкө ээлик кылат.
Белгилей кетсек, буга чейин 30-сентябрга карата “Ак-Куу” ААКтын акцияларынын ээси катары 357 акционер катталган. Алардын арасында 5%дан ашык үлүшү бар акционерлер болгон эмес. Компаниянын башкы директору болуп Нургүл Малабаева эсептелет.
