Садыр Жапаров Катарга футбол көрүүгө жеке бизнес учагы менен барды - ал 25-30 миң доллар турат

Назира Абдиева

19 дек. 2022 19:16

Кыргызстандын президенти Садыр Жапаров 18-декабрда жеке бизнес учагы менен Катарга футбол боюнча дүйнө чемпионатынын финалын көрүү үчүн барды. Бишкектен Дохага учуунун баасы 25-30 миң долларды түзөт.

Катарга жеке учак менен учуп кеткенин Kaktus.media сайты жазып, Qatar News Agency порталынан Жапаровдун Дохага келген сүрөттөрүн тапкан. Сүрөттөрдүн биринде жеке учак тартылган.

Президенттин басма сөз кызматы Жапаровдун «жумушчу сапары» тууралуу билдирүүсүндө Жапаровдун Дохага келгени тартылган сүрөттөрдү берип, бирок учактын сүрөтүн көрсөткөн эмес.

Kaktus.media сайтынын маалыматына таянсак, Кыргызстандан Катарга учкан Embraer Legacy 600 жеке бизнес-учагы www.flightradar24.com порталына кирип калган. Бишкектен Дохага жана кайра кайтып келүү канча турары белгисиз, бирок бизнес-джеттердин онлайн-калькуляторлору боюнча бул каттам боюнча учууга орточо эсеп менен 50-60 миң доллар керектелет.

Президенттин маалымат кызматы Жапаров Катардын Эмири шейх Тамим бен Хамад Аль Танинин чакыруусу менен барганын, андан тышкары, ал Түркиянын президенти Режеп Тайип Эрдоган менен жолугушканын, өлкө лидерлери саясий, соода-экономикалык жана маданий-гуманитардык чөйрөдөгү эки жана көп тараптуу кыргыз-түрк өз ара аракеттенүүсүнүн актуалдуу маселелери жөнүндө сүйлөшүшкөнүн билдирди.

Белгилей кетсек, акыркы бир жыл ичинде бул Садыр Жапаровдун жеке учагы менен бешинчи жолу учушу. Буга чейин КРнын башчысы бизнес учак менен Глазго, Пекин, Нью-Йорк жана Астанага барып келген.

Мындан тышкары окуңуз

Оштогу Ломоносов мектебинин жаңы имаратынын курулушу кызуу жүрүүдө

Курулуш, архитектура жана турак жай-коммуналдык чарба министрлигинин маалыматына ылайык, Ош шаарындагы М.В. Ломоносов атындагы мектептин ордуна 750 орундуу заманбап жаңы мектеп курулуп жатат. Бул тууралуу ведомстводон билдиришти. Маалыматка ылайык, президент Садыр Жапаровдун тапшырмасынын негизинде ишке ашырылып жаткан долбоордун курулушу үстүбүздөгү жылдын февраль айында башталган. Учурда төрт кабаттуу имараттын

Бишкек – Ош багыты боюнча ылдам поезд жүргүзүү пландалууда

Келечекте Бишкек менен Оштун ортосунда 6-8 саатта жете турган ылдам жүрүүчү поездди ишке киргизүү пландалууда. Бул тууралуу "Кыргыз темир жолу" мамлекеттик ишканасынын жетекчиси Азамат Сакиев билдирди. Анын айтымында, жаңы темир жол Бишкек – Ош жана Түндүк – Түштүк алтернативдик жолдорундагы транспорт агымын азайтып, күйүүчү май жана башка жүктөрдү темир

Балыкчы – Кочкор темир жолунун 1 чакырымынын баасы 955 миң долларды түздү

Балыкчы – Кочкор темир жолу чет элдик инвесторлор сунуштаган баадан дээрлик 5-8 эсе арзанга курулду. Бул тууралуу "Кыргыз темир жолу" мамлекеттик ишканасынын башкы директору Азамат Сакиев билдирди. Анын айтымында, долбоорду ишке ашыруунун алгачкы этабында чет элдик инвесторлор менен сүйлөшүүлөр жүргүзүлгөн. Бирок алар темир жолдун бир чакырымын куруу үчүн

Омар Султанов Кыргызстандын Улуу Британиядагы элчиси болуп дайындалды

Омар Султанов Кыргызстандын Швейцариядагы элчиси, Женева шаарындагы БУУдагы жана эл аралык башка уюмдардагы өлкөнүн туруктуу өкүлү кызмат ордунан бошотулду. Президенттин тескемесине ылайык, Кыргызстандын Улуу Британия жана Түндүк Ирландиядагы элчиси болуп дайындалды. 60 жаштагы Омар Султанов — Жогорку Кеңештинмурдагы төрагасы Марат Султановдун бир тууганы. Мурда Кыргызстандын Германиядагы элчиси, Тышкы иштер министринин биринчи