Таластын 43 тургуну Түштүк Кореяга иштегени барышат
Талас облусунун 43 тургуну Түштүк Кореяда иштегенге мүмкүнчүлүк алышты. Бул тууралуу Эмгек, социалдык камсыздоо жана миграция министри Кудайберген Базарбаев 2022-жылдын 19-декабрында кыргызстандыктарды Кореяга жөнөтүү боюнча иш-чара учурунда билдирди.
“Эмгек, социалдык камсыздоо жана миграция министрлигине караштуу Чет өлкөдөгү жарандарды ишке орноштуруу борборунун ортосунда Талас облустук администрациясы жана Кореянын Кочанг районунун Чолла-Пукту провинциясы менен макулдашууга кол коюлган, ал боюнча айтылган облустун тургундарынын биринчи тобу Түштүк Кореяга жөнөтүлөт”, – деди министр.
Ошондой эле ал Кыргызстандын Кореядагы элчилигинин колдоосу менен түзүлгөн келишимде эмгек шарттарын түзүү каралганын, бул татыктуу эмгек акы, социалдык кепилдиктер экенин, барган жарандар өлкөнүн мыйзамдарын бузбоосу маанилүү экенин кошумчалады.
