Тогуз айда «Кыргызалтындын» таза кирешеси 38 млрд сомго жетти

Үстүбүздөгү жылдын тогуз айында “Кыргызалтын” ААКтын таза кирешеси 38 млрд сомго жетти. Бул тууралуу 20-декабрда аталган ишкананын маалымат кызматынан билдиришти.

2022-жылдын 11 айында “Кыргызалтын” ААК салыктар жана социалдык төлөмдөр боюнча 5 млрд сом өлчөмүндө каражат чегерген. Бүгүнкү күндө “Кыргызалтын” биргелешкен ишканалар менен чогуу Кыргызстандагы алтындын 95%дан ашыгын өндүрөт.

Кошумчалай кетсек, “Кыргызалтын” 30 жылдык мааракесин белгиледи. Куттуктоо сөзүндө жетекчи Элдияр Калдарбеков белгилегендей, “Кыргызалтын” ААК өлкөнүн тоо-кен тармагына эбегейсиз салым кошуп келет.

“30 жыл ичинде “Кыргызалтын” жаңы жумуш орундарын түзүүгө, ири инвестицияларды тартууга, аймактардагы инфраструктураны өнүктүрүүгө, жергиликтүү тургундарга социалдык колдоо көрсөтүүгө салым кошкон. Бүгүнкү күндө “Кыргызалтын” өлкөдөгү эң ири 10 компаниянын катарына кирет. Биздин биргелешкен ишканаларда, туунду ишканаларда жана филиалдарда 7 миңге жакын адам иш менен камсыз болгон”, – деди ал.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Кайсы аймакта маяна жогору?

Баткен районуна жаңы аким барды

Кыргызстанда 184 миң гектардан ашык жайыт деградацияга учураган

Кара-Суудагы "Лифан аккумулятор заводуна" 1 млрд сомдук инвестиция тартылды

Абанын булганышы: зыяндуу заттардын эң ири көлөмү - Баткен облусунда катталган