Мигранттарды каражаттарын бизнес ачууга бөлүүгө үйрөтүү керек - Алмаз Алыбаев
Чет өлкөлөрдөгү мигранттардын алгачкы толкундары акчаны кыймылсыз мүлк, унаа сатып алууга, тойлорду өткөрүүгө жумшашкан. Эми илимий изилдөө жүргүзүп, мигранттарга каражатты ишкерликти өнүктүрүүгө багыттоого үйрөтүү керек. Мындай пикирди Economist.kg «Миграция. Кыргызстандыктар үчүн ачылган жаңы багыттар» деп аталган темада уюштурулган тегерек столунда Жарандарды чет өлкөдө ишке орноштуруу борборунун директору Алмаз Алыбаев билдирди.
Чиновник белгилегендей, мигранттар которгон каражат алардын жакындарына күнүмдүк маселелерди чечүүгө жардам берет. Бирок, бул каражаттар кандай сарпталып жатканын түшүнүү үчүн бийлик иликтөө жүргүзүшү зарыл. Мигранттарды ишкерликти өнүктүрүүгө инвестиция салууга үйрөтсө туура болот.
«Мигранттарга бизнести өнүктүрүүгө каражатты кантип багыттоо керектигин үйрөтүү керек. Экономика министрлигине кайрылсаңыздар болот, ал жерде даяр бизнес-долбоорлор бар», – деп баса белгиледи Алыбаев.
