Баткен жана Ош облустарында жабыркаган жарандардын 366 кредити жоюлду

Улуттук банк 2022-жылдын сентябрь айында Баткен жана Ош облустарында болгон куралдуу кагылышуудан жабыр тарткан жарандардын кредиттерин жоюу жана реструктуризациялоо боюнча коммерциялык банктардын, банк эмес жана адистештирилген финансы-кредит уюмдарынын иштерине мониторинг жүргүзгөнүн билдирди.

Регулятордун берген маалыматына таянсак, 2022-жылдын 30-декабрына карата абал боюнча ФКУга 514 карыз алуучу кайрылган, 31 млн 480 миң сом суммасында 366 кредит жоюлган, 63 млн 683 миң сом суммасында 224 кредит реструктуризацияланган. 

Эскерте кетсек, Улуттук банк 2022-жылдын 18-ноябрында «КРнын Улуттук банкынын Баткен облусундагы карыз алуучуларга кредиттерди берүү маселелери боюнча айрым убактылуу чечимдери жөнүндө» токтомун кабыл алган.

Анда комбанктарга, микрофинансылык уюмдарга жана «Кепилдик фонд» ААКка Баткен облусунда жашаган жана/же ишкердик жүргүзгөн карыз алуучулардын кредит/кепилдик алуу боюнча арыздарын артыкчылыктуу тартипте кароо, ошондой эле алардын кредиттерди/кепилдиктерди берүү боюнча ички жол-жоболорун карап чыгуу сунушталган.  

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Баткенде 7 500 фермерди колдоо долбоору ишке ашууда

Өкмөт айыл чарбасын өнүктүрүү үчүн 5 кадамга барган

Кадамжайда 60 үй-бүлөгө арналган социалдык шаарча курулууда

Өлкө аймагында жер титиреди

Тоскоол-Ата токой чарбасында 100 гектар жер тосулат