Мэрия «Орто-Сай» базарындагы ижарачылар менен түзмө-түз келишим түзөт

Бишкек шаарынын мэриясынын Муниципалдык менчикти башкаруу департаменти «Орто-Сай» соода-базар комплексинин аймагындагы жер тилкесин башка ижарачыга берүүнү көздөөдө. Себеби, 2016-жылы тендерден ижарага утуп алган «Карасай Сервис ЛТД» ЖЧК өзүнүн милдеттенмелерин аткарган эмес.

Мэрия «Орто-Сай» соода-базар комплексинин аймагындагы ички жана тышкы павильон («Жашыл базар») муниципалдык менчик болуп саналарын белгиледи. Ал жерди жети жыл мурда тендердин негизинде алган «Карасай Сервис ЛТД» ЖЧК сынактын шартына ылайык, ижарага алынган аянттын аймагын жакшыртууга 20 млн сом жумшашы керек болчу.

“Ижара келишиминин шарттары аткарылбагандыгына байланыштуу Бишкек шаарынын мэриясынын Муниципалдык менчикти башкаруу департаменти муниципалдык менчикти берүү боюнча комиссиянын кароосуна ижара келишимин бир тараптуу бузуу жөнүндө маселени койду.

«Карасай Сервис ЛТД» ЖЧКсы менен Комиссиянын чечими менен ижара келишими токтотулган. Борбор калаанын мэриясы келечекте үчүнчү жактардан, ортомчулардан арылуу үчүн ал жерде иштеген сатуучулар менен түздөн-түз келишим түзөт”, – дейт мэрия.

Мэрдин орун басары Нурдан Орунтаев Орто-Сай соода-базар комплексинин аймагында жайгашкан ички жана тышкы павильондун («Жашыл базар») ижарачылары менен жолугушуп, алардын ар бири менен жекече ижара келишимин түзүү маселесин талкуулады.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Баткенде 7 500 фермерди колдоо долбоору ишке ашууда

Өкмөт айыл чарбасын өнүктүрүү үчүн 5 кадамга барган

Кадамжайда 60 үй-бүлөгө арналган социалдык шаарча курулууда

Өлкө аймагында жер титиреди

Тоскоол-Ата токой чарбасында 100 гектар жер тосулат