Жазында Кусейин Көлбаев атындагы тоннель ремонтко берилет

Жаз айларында Төө-Ашуудагы Кусейин Көлбаев атындагы тоннелдин жарыктары жаңыртылып, асфальт төшөлөт. Бул тууралуу Транспорт жана коммуникациялар министрлиги билдирди.

Транспорт жана коммуникациялар министри Тилек Текебаев Бишкек – Ош автожолунда жайгашкан Төө-ашуудагы тоннелдин абалы менен таанышканы барган.

“Азыркы учурда тоннелдин ичиндеги жарыктар эптеп эле үлбүлдөп күйүп, жол дагы бузулуп бүткөн. Ошого байланыштуу Министр Текебаев тоннелдин ичиндеги жарыктарын жаңылап, жазында жолду асфальттоо иштерин баштоону тапшырды”, – деп айтылат билдирүүдө.

Көлбаев атындагы тоннель – Бишкек – Ош автожолунда жайгашкан стратегиялык маанилүү объект болуп эсептелип, республиканын түндүк жана түштүк аймактарын бириктирип, деңиз деңгээлинен 3200 метр бийиктикте, узундугу 2514 метр, бийиктиги 5.8 м, жол жабуусу 6.6 м болуп, 1962-жылы курулган, акыркы жолу 2000-жылы реконструкцияланган.


Белгилей кетсек, буга чейин Economist.kg кабарлагандай, бул тоннелге альтернативдик тоннель куруу да каралып, министрлик Мамлекеттик жеке өнөктөштүк (МЖӨ) борбору менен биргеликте инвестор издеп жаткан. Долбоор 234 млн долларга бааланган болчу.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Өкмөт айыл чарбасын өнүктүрүү үчүн 5 кадамга барган

Кадамжайда 60 үй-бүлөгө арналган социалдык шаарча курулууда

Өлкө аймагында жер титиреди

Тоскоол-Ата токой чарбасында 100 гектар жер тосулат

Быйыл 4 коллекциялык тыйын чыкты