TEZ JET авиакомпаниясы Жалал-Абадга каттамдарын кыштын аягына чейин кыскартты
Бишкек – Жалал-Абад – Бишкек багытындагы аба каттамдарынын саны жумасына төрт рейске чейин кыскарды. Бул тууралуу Economist.kg басылмасына авиакомпаниянын Жалал-Абаддагы өкүлчүлүгүнөн билдиришти.
Буга чейин каттамдар күн сайын жүргүзүлүп келген, бирок жетекчилик кыш мезгилинде аларды жумасына төрткө чейин кыскартууну чечкен.
«Учурдагы каттамдар туруктуу эле болот, бирок дүйшөмбү, бейшемби, жума жана жекшемби күндөрү жумасына төрт жолу гана аткарылат. Бул график февраль айында дагы уланат», – деп белгиледи компаниянын өкүлү.
Белгилей кетсек, компаниянын сайтында белгиленген күндөргө билеттер сатылууда.
Эске салсак, Жогорку Кеңештин Транспорт, коммуникациялар, архитектура жана курулуш боюнча комитетинин жыйынында депутаттар “Манас” эл аралык аэропортунун өкүлдөрүнөн Бишкектен Жалал-Абадга авиакаттамдардын жок болуп жатканын сурашканда, расмий өкүлдөр бул суроого жооп бере алышкан жок.
Ош аэропортунда жүк таңгактагандар күнүнө 150 миң сомдон табышат, бирок салык төлөшпөйт
