Коммерциялык банктар уставдык капиталын 1 млрд сомго жеткирүүгө милдеттүү
Улуттук банк «Коммерциялык банктардын уставдык жана өздүк капиталынын минималдуу өлчөмү жөнүндө» токтом кабыл алды. Бул тууралуу көзөмөл органы өзүнүн сайтында билдирди.
Токтомдо жаңы түзүлгөн коммерциялык банктардын уставдык капиталы 1 млрд сомдон кем эмес болушу керектиги белгиленген. Бул талап чет элдик банктардын жаңы филиалдарына да тиешелүү.
КРда буга чейин иштеп жаткан коммерциялык банктар үчүн жөнгө салуучу 2026-жылга чейин минималдуу уставдык капиталды 1 млрд сомго чейин акырындык менен көбөйтүү талабын киргизет.
Мында банктардын капиталын көбөйтүүнүн төмөнкү мөөнөттөрү көрсөтүлгөн:
- 2023-жылдын 1-апрелине чейин – 600 млн сом;
- 2024-жылдын 1-июлуна чейин – 800 млн сом;
- 2026-жылдын 1-июлуна чейин – 1 млрд.
Капиталдын минималдуу талаптары системалуу мааниге ээ коммерциялык банктар, анын ичинде чет өлкөлүк банктардын филиалдары үчүн өзүнчө белгиленет. Алар 2023-жылдын 1-июлуна чейин уставдык капиталын кеминде 2 миллиард сомго чейин көбөйтүүсү керек.
