2022-жылы айыл чарба продукциясынын импорту $1.1 млрд түздү
2022-жылдын январь-декабрында айыл чарба, тамак-аш жана кайра иштетүү өнөр жай продукциясынын импорту 93 млрд сомду же $1.1 млрд түзүп, 2021-жылдын ушул мезгилине салыштырмалуу 27.5%га өскөн (сом менен). Бул тууралуу Айыл чарба министрлиги эскертти.
Өсүмдүк чарбасы суммасында 22.5 млрд сомго же $265.7 млн импорттолгон, бул 2021-жылдын ушул мезгилине салыштырмалуу улуттук валютада 6.3%га өскөн.
Тамак-аш жана кайра иштетүү өнөр жай продукциясынын импорту 63.2 млрд сомду же $760 млн түздү, бул 2021-жылга салыштырмалуу 42%га көп (сом менен).
2022 – жылдын январь-декабрь айларында республиканын импортунун жалпы көлөмүндө айыл чарба, тамак-аш жана кайра иштетүү өнөр жай продукциясынын импортунун үлүшү 11.6 %ды түзсө, 2021-жылдын тийиштүү мезгилинде бул үлүшү 13.8 %га жеткен.
