Бишкектин №1 тергөө абагынын ордуна кичи район курулат. Бул тууралуу президент Садыр Жапаров өзүнүн Facebook баракчасында билдирди.

Анын айтымында, кийинки жылдарда тергөө абагы Бишкектин сыртына көчүрүлөт.

«Ал эми түрмөлөр жөнүндө кеп кыла турган болсок, былтыр 47-колонияны Молдовановка айылына көчүрдүк. Анын ордуна болсо кичи район салынып жатат. Кудай буюрса, бир жарым жылдан кийин бүтөт. 5500 үй- бүлөгө Мамлекеттик ипотекалык компания (МИК) аркылуу 20 жылдык мөөнөт менен ипотекага турак-жай беребиз», — деп мамлекет башчысы кошумчалады.