Кыргызстанда «Кыргызфармация» ишканасы түзүлүп, дары-дармектерди чыгаруучу заводдорду курууга инвесторлорду тартуу менен алектенет. Бул тууралуу минкаб билдирди.

Такталгандай, ишкана Кыргыз Республикасында дары-дармектерди жана субстанцияларды чыгаруучу заводдорду курууну каалаган инвесторлор менен биргеликте, анын ичинде гуманитардык кызматташтыктын жана мамлекеттик-жеке өнөктөштүктүн алкагында дары-дармек өндүрүшүн өнүктүрүү менен алектенет.

Мында ата мекендик өндүрүшчүлөргө дагы колдоо көрсөтүлөт, алар өз кезегинде өз товарларын дүңүнөн сатууга кызыкдар жана «Кыргызфармацияга» дистрибьютордук укуктарды берүүгө даяр.