Кепилдик фонду тарабынан берилген кепилдик 6 млрд сомдон ашты
Кепилдик фонду 2016-жылдан баштап ишкерлерге 4 718 кепилдик берди. Анын суммасы 6.1 млрд сомдон ашты. Өнөктөш банктар КФ колдоосу менен дээрлик 20 млрд сом өлчөмүндө кредиттерди беришти. Бул тууралуу фонддун маалымат кызматы билдирди.
2023-жылдын биринчи кварталынын жыйынтыгы боюнча Кепилдик фонду тарабынан ишкердик субъекттерине күрөөнүн жетишпеген суммасын жабуу үчүн 804 млн 766 миң сомдон ашык суммага 1 288 кепилдик берилген. Мунун эсебинен ишкерлер 1 млрд 964 миллион 745 миң сом насыя ала алышты.
Берилген кепилдиктердин жалпы санынын 85%ы өлкөнүн аймактарында ишкердикти өнүктүрүүгө багытталган.
Колдоого алынган тармактарга айыл чарба, айыл чарба продукциясын кайра иштетүү, курулуш, транспорт жана туризм кирет.
