Кайсы сайттар кыргызстандыктардын жеке маалыматтарын эң көп чогултат — изилдөө
Жеке маалыматтарды коргоо боюнча мамлекеттик агенттик (мындан ары – Агенттик) веб-сайттардан жана мобилдик тиркемелерди колдонуучунун кандай маалыматтары талап кылынарын жана суроо-талаптын жол-жобосу мыйзамга ылайык келер-келбесин аныктоо максатында изилдөө жүргүздү.
Веб-сайттардын тизмеси www.net.kg порталынан алынды, анда киргендердин санына жараша веб-сайттардын рейтинги камтылган. Мындан тышкары, ар кандай товарларды жана кызматтарды көрсөтүүчү эң көп “колдонулган” веб-сайттар эске алынган.
Жалпысынан 203 веб-сайт жана 59 мобилдик тиркеменин үч критерий боюнча талдоого алынган. Веб-сайттар үчүн чогултулган маалыматтардын 11 негизги категориялары аныкталган:
- толук аты-жөнү
- жынысы;
- телефон номуру;
- туулган күнү;
- паспорттук маалыматтар;
- социалдык абалы;
- сүрөт;
- электрондук дарек;
- медициналык маалыматтар;
- дареги/жайгашкан жери;
- Банктык маалыматтар.
Мобилдик тиркемелерди изилдөөдө төмөнкү 14 негизги идентификаторлор аныкталган:
- толук аты-жөнү
- жынысы;
- телефон номуру;
- туулган күнү;
- паспорттук маалыматтар;
- фото/видео;
- электрондук дарек;
- медициналык маалыматтар;
- дареги/жайгашкан жери;
- социалдык тармактардагы баракчалар;
- IP дареги;
- cookie файлдары;
- үй-бүлөлүк абалы
- Банктык маалыматтар.
