Бишкек менен Чүйдө 10 күндүн ичинде мүлк салыгын төлөбөй жүргөн 287 элиталык үй ээси аныкталды
Мамлекеттик салык кызматынын кызматкерлери камералдык текшерүү методу менен Бишкек шаарындагы жана Чүй облусунун Аламүдүн районундагы VIP-шаарчалардын тургундарынын кыймылсыз мүлк салыгын төлөгөндүгүн текшеришти. Бул тууралуу мекеме билдирди.
Маалыматка ылайык, 10 күндүн ичинде 799 турак үй текшерүүгө алынды. Жыйынтыгында 287 үйдүн ээси 3.5 млн сомдон ашык суммада мүлк салыгын төлөбөгөндүгү аныкталган, анын 109 – турак жайга, 178 – үйдүн жанындагы участокко.
Мүлк ээлери бюджетке 1 млн сомдон ашык сумма төлөшкөн.
Эскерте кетсек, жыл сайын 1-сентябрга чейин турак жайга, үй алдындагы, короо жай жана багбанчылык жер участокторуна мүлк салыгын төлөө зарыл.
