Кыргызстандын алтын запасы 47 тоннаны түзөт
Жогорку Кеңештин депутаттары Арсланбек Малиев, Надира Нарматова жана Динара Ашимова маалымат жыйынында алтын өндүрүүнү жана сатууну иликтөө боюнча убактылуу депутаттык комиссиянын иши, «Кумтөр Голд Компанинин» 2012-жылдан берки ишмердүүлүгү тууралуу маалымат беришти. Алар ошондой эле ЖМК өкүлдөрүнүн суроолоруна жооп берди.
Убактылуу комиссиянын төрагасы Арсланбек Малиев комиссиянын ишинин жыйынтыгында «Кумтөр Голд Компани» ишканасында сакталган, экспорттолгон жана сатылган алтындын саны, сапаты жана өздүк наркы боюнча уурдоо, бурмалоо фактылары аныкталбаганын баса белгиледи.
2023-жылдын 26-январына карата Улуттук банктын сактагычындагы КРнын алтын запастарынын калдыгы дээрлик 44 тоннаны түзөт. Ал белгилегендей, Улуттук банктын маалыматы боюнча, Швейцариянын UBS коммерциялык банкында дагы бир тонна бар.
«Бүгүнкү күндө алтындын жалпы көлөмү 47 тоннага жакын», — деп баса белгилеген депутат жана январь айында алтындын көлөмү 45 тоннаны түзгөнүн кошумчалады.
