ЕЭК Кеңешинин отурумунун жыйынтыгы – чечимдер

Сапар Акунбеков

24 мая 2023 15:50

2023-жылдын 22-майында министрлер кабинетинин төрагасынын биринчи орун басары Адылбек Касымалиевдин катышуусунда Евразия экономикалык комиссиясынын Кеңешинин кезектеги жыйыны видеоконференция режиминде өттү. Бул тууралуу Экономика министрлиги кабарлады.

Отурумда күн тартибиндеги 20дан ашык маселе каралып, жыйынтыгында бир катар чечимдер кабыл алынды:

• ЕЭК Кеңеши ЕАЭБ алкагында медициналык багыттагы буюмдарды (медициналык багыттагы буюмдарды жана медициналык техниканы) жүгүртүүнүн бирдиктүү принциптери жана эрежелери жөнүндө макулдашууга өзгөртүүлөрдү киргизүү тууралуу протоколду жактырды, анда Союздун чегинде каттоого жатпай турган медициналык буюмдардын, медициналык багыттагы буюмдардын тизмесин кеңейтүү каралган;

• ЕЭК Кеңешинин чечими менен жаныбарлардын өзгөчө коркунучтуу, карантиндик жана зооноздук ылаңдарынын очокторун алдын алуу, диагностикалоо, локализациялоо жана жоюу, ошондой эле региондоштуруу боюнча Биримдикке мүчө мамлекеттердин өз ара аракеттенүү тартибине өзгөртүүлөр киргизилди;

• Евразия экономикалык комиссиясынын Кеңешинин жыйынында мамлекеттик (муниципалдык) сатып алуулар үчүн товарлардын айрым түрлөрү чыгарылган өлкөнү аныктоо эрежелери сегиз жаңы товардык позиция боюнча өндүрүштүк шарттар менен толукталды. Кабыл алынган чечимди эске алуу менен, Эрежелерде 15 тармактагы 450 фирмалык аталыштар үчүн өндүрүш шарттары камтылган;

• эми СТ-1 сертификатынын негизинде 276 товардык позиция мамлекеттик сатып алууларга катышууга уруксат берилген;

• ЕЭК кеңешинин мүчөлөрү Жогорку Евразиялык экономикалык комиссиянын күн тартибин бекитти. 24-25-майда Москвада өтө турган Кеңеш жана Евразия өкмөттөр аралык кеңешин 7-9-июнда Сочи шаарында өткөрүүнү пландаштырган.

Евразия экономикалык комиссиясынын кеңешинин кезектеги жыйыны 2023-жылдын 23-июнунда өткөрүлөт.

Мындан тышкары окуңуз

Дары-дармек импортундагы мыйзам бузуу: Бюджетке 1,3 млн сом өндүрүлдү

Мамлекеттик бажы кызматы дары-дармек импорттоодо КНС боюнча жеңилдик мыйзамсыз колдонулганын аныктады. Натыйжада мамлекеттик бюджетке 1,3 млн сомдон ашык каражат өндүрүлдү. Мамлекеттик бажы кызматынын кызматкерлери дары-дармек каражаттарын импорттоодо кошумча нарк салыгы (КНС) боюнча жеңилдик мыйзамсыз колдонулганын аныкташты. Маалыматка ылайык, "Н.В.С.О." компаниясы салыктан бошотулган

Жыргалаңда дагы төрт асма аркан жолунун курулушу башталды

Жыргалаңда “Ала-Тоо Резорт” мамлекеттик төрт мезгилдүү тоо-туристтик кластеринин алкагында дагы төрт асма аркан жолунун курулушу башталды. Бул тууралуу ишкананын расмий баракчасына жарыядланды. Маалыматка ылайык, асма аркан инфраструктурасын куруу иштерин асма транспорттук системаларды долбоорлоо жана куруу боюнча дүйнөлүк лидер болгон Doppelmayr компаниясы ишке ашырууда. Учурда төмөнкү асма аркан жолдорунун

Манас шаарында жол боюндагы дарактар иретке келтирилди

Манас шаарында жол четиндеги бак-дарактарды иретке келтирүү жана бутоо иштери жүрүп жатат. Бул тууралуу калаа мэриясынан билдиришти. Маалыматка ылайык, иш-чараны Манас шаарынын көрктөндүрүү жана жашылдандыруу ишканасы аткарды. Дарактардын куураган жана ашыкча бутактары кыркылып, алардын жакшы өсүшүнө шарт түзүлдү. Мэрия белгилегендей, мындай иш-аракеттер шаардын көчөлөрүнүн көрктүүлүгүн арттырууга, жашыл

Бишкекте ижарадагы жер тилкелерин сатып алууга 50%га чейин жеңилдик берилет

Бишкек мэриясы көп батирлүү үйлөр курулган ижарадагы жер тилкелерин сатып алууда төмөндөтүүчү коэффициенттерди киргизди. Чечим турак жай ээлеринин мүлктүк укуктарын каттоодогу көйгөйлөрдү жоюуга багытталган. Ага ылайык: * 2026-жылдын 31-декабрына чейин жер тилкесин сатып алуу баасы 50%га төмөндөтүлөт (коэффициент – 0,5); * 2027-жылы – 40%га (коэффициент – 0,6); * 2028-