Эки айдын ичинде контрабанда таашыган 2 унаа конфискацияланды
Апрель жана май айларында УКМК тарабынан контрабандага каршы күрөшүүгө багытталган иш-чараларынын жүрүшүндө жеке адамдар тарабынан автотранспорт каражаттарын колдонуу менен аткезчилик жүктөрдү ташуу фактылары аныкталды. Бул тууралуу мекеме эскертти.
Маалыматка ылайык, үстүбүздөгү жылдын 26-апрелинде Кызыл-Кыя шаардык сотунун чечими менен, 2022-жылдын ноябрь айында контрабандалык жүк ташып бараткан «Хундай Портер» маркасындагы унаа эл керектөөчү товарлар түрүндөгү 1 млн 248 миң сомдук дары-дармек мамлекеттин эсебине алынган.
Ошондой эле, 19-майында Кадамжай райондук сотунун чечими менен 2023-жылдын март айында 599 миң сомдук күйүүчү-майлоочу май түрүндөгү контрабандалык жүк ташыган «Камаз» маркасындагы жүк ташуучу унаа мамлекеттин эсебине конфискацияланган. Мындан тышкары, буга чейин да контрабанда ишине пайдалангандыгы үчүн УКМК тарабынан кармалган Mercedes-Benz Actros жана Hyndai Porter маркасындагы 2 унаа боюнча материалдар Баткен облусунун сот органдарында каралып жатат.
