Жыл башынан бери «Альянс Алтындын» салык төлөмдөрү 6.2 млрд сомду түздү

2024-жылдын январь-сентябрь айларында Жерүй кенин иштетип жаткан «Альянс Алтын» кен казуучу компаниясы бюджетти дээрлик 6.2 млрд сомго толуктаган. Сентябрь айында салык төлөмдөрү 767 млн сомдон ашты. Бул тууралуу компания Economist.kgге билдирди.

«Альянс Алтын» белгилегендей, алтынды сатуудан түшкөн салык отчеттук мезгилде дээрлик 5 млрд сомго жеткен. Ал эми сентябрь айында төлөмдөрдүн көлөмү 608 млн сомду түздү.

Компаниянын ишмердүүлүгүнүн башынан тартып, б.а. 2015-жылдан бери жалпы салык төлөмдөрү 21.2 млрд сомдон ашты, ал эми алтынды сатуудан түшкөн салыктар 15.5 млрд сомдон ашты.

Ошондой эле быйылкы жылы «Альянс Алтын» жергиликтүү инфраструктураны өнүктүрүүгө жана тейлөөгө кирешенин 2% же 416 млн сом которгон: 

·      Талас облусун өнүктүрүү фонду – 206 млн сом (50%);

·      Талас районун өнүктүрүү фонду – 124.8 млн сом (30%);

·      Шумкар-Уя айыл аймагынын өнүктүрүү фонду – 83,2 млн. сом (20%).

Компаниянын быйылкы жылы экологиялык төлөмдөрү 7.1 млн сомду түздү: 1.8 млн сом мелиорация фондуна, дээрлик 5.3 млн сом Жерүй ТЗРКсынын өндүрүштүк муктаждыктары үчүн жер үстүндөгү сууларды пайдалануу үчүн бөлүндү.