Кыргызстанда 30 миң 86 чет элдик номурлуу автоунаа мыйзамдаштырылды
КР Президенти С.Жапаровдун жарлыгына ылайык 2025-жылдын 1-октябрына чейин Кыргызстанда чет элдик номурлуу автоунааларды легалдаштыруу кампаниясы аягына чыкты. Тийиштүү датага чейин автоунаасын каттоодон өткөрө албаган ээлер эми унааларын өлкөдөн алып чыгууга же жокко чыгарууга милдеттүү болушат. Бул тууралуу бүгүн Биринчи радионун туз эфиринде КР Экономика жана коммерция министринин орун басары – Искендер Асылкулов билдирди.
Анын айтымында, Кыргызстандагы 71 миң жол кыймылындагы мыйзам бузууларга чет өлкөлүк номурлуу автоунаалар себепкер болушкан жанан анын катарында трагедиялуу окуялар дагы көп катталган.
“Бүгүнкү күнү чет өлкө номурлуу 30 миң 86 автоунаа Кыргызстанда каттоого алынды. Ал эми 466 автоунаа тийиштүү техникалдык кароодон өтө алган жок. Дагы 178 унаа техникалык кттоодон өткөнү менен эмнегедир каттоодон өтүп легалдаштырлган жок. Эми иштин үчүнчү этабына ылайык, бул унаалар мамлекеттен чыгарылышы же утилизация болушу шартталат” – деп билдирди, министрдин орун басары.
