Радиациялык коркунучтарды азайтуу маселеси талкууланды
«Жалал-Абад облусунун Майлуу-Суу шаарындагы уран калдыктарын рекультивациялоо» долбоорун, калкты жана айлана-чөйрөнү коргоо жаатында орчундуу маселелерди - Өзгөчө кырдаалдар министри Бообек Ажикеев ЕРӨБдүн Ядролук коопсуздук департаментинин директору Эстер Харландер менен талкуулады. Бул тууралуу Өзгөчө кырдаалдар министрлигинин басма сөз кызматынан маалымдашты.
Эстер Харландер айым Майлуу-Суудагы уран калдыктарын коопсуз жайга көчүрүү иштери менен жеринен таанышып, андагы процесстерге, атайы лабораториялардын сапаттуу иштөө тажрыйбаларына, жаңы ачылыштарга күбө болгонун айтып, иш сапардын жыйынтыгы жемиштүү болгонун белгиледи.
Жыйынтыгында тараптар радиациялык коркунучтарды системалуу түрдө азайтуу, тургундарга ыңгайлуу чөйрөнү түзүү, туруктуу келечекти камсыздоо үчүн долбоорду белгиленген талаптарга ылайык тоскоолдуксуз аткарууга кызыктарлыгын кошумчалашты.
