79,20 млн сом жеңилдетилген кредит каржыланды

Майда товардык өндүрүштү ирилештирүү процессине дем берүү жана бириккен айыл чарба товар өндүрүүчүлөрүнө жеңилдетилген кредиттик каражаттарды берүү жолу менен мамлекеттик колдоо көрсөтүү максатында, Министрлер Кабинетинин 2024-жылдын 6-декабрындагы тескемеси менен “Бириккен товар өндүрүүчүлөрүн каржылоо” долбоору бекитилген.

Финансы министрлигинен кабарлашкандай, аталган долбоорду ишке ашырууга “Айыл Банк” жана “Элдик Банк” ачык акционердик коомдору катышууда. Аларды кредиттөөнүн көлөмү 2 200,0 млн. сом суммасын түзөт.          

2025-жылдын 2-октябрына карата бул Долбоордун алкагында республика боюнча 12  каржылоо субъекттерине 79,20 млн. сом суммасында жеңилдетилген кредит каржыланды.