Министр Кулубаев 6-ноябрда Астанадагы саммитке катышат

6-ноябрда Тышкы иштер министри Жээнбек Кулубаев Казакстандын Астана шаарында өтөт турган "Акаба процессинин" жасалма интеллект коопсуздугу боюнча саммитине катышат.

ТИМдин маалыматына караганда, аталган иш-чара Казакстандын президенти Касым-Жомарт Токаев жана Иордания Королдугунун Королу Абдалла II тарабынан демилгеленген.

Саммиттин жүрүшүндө жасалма интеллекттин өнүгүшү жана колдонулушуна байланыштуу эл аралык жана регионалдык коопсуздуктун актуалдуу маселелери каралат.

Ошондой эле заманбап коркунучтарга жана чакырыктарга каршы күрөшүүдө эл аралык кызматташтыкты бекемдөө пландалууда.