Улан Молдодосов Спорт агенттигинин директорунун орун басары болуп дайындалды

Улан Молдодосов Министрлер кабинетине караштуу Дене тарбия жана спорт мамлекеттик агенттигинин директорунун орун басары кызматына дайындалды.

Мекеменин маалыматына караганда, жаңы жетекчини бүгүн эмгек жамаатка тааныштырылды.

Аны Президенттин админстрациясынын президенттин жана министрлер Кабинетинин чечимдерин даярдоо боюнча башкармалыгынын тармактык саясат бөлүмүнүн башкы эксперти Эржигит Ибраимов тааныштырды.

Улан Молдодосов буга чейин Дене тарбия жана спорт мамлекеттик агенттигинин Региондордо дене тарбияны, инфраструктураны жана массалык спортту өнүктүрүү башкармалыгынын начальниги болуп иштеп келген.

Мамлекеттик жана ведомстволук сыйлыктары:

• 2008-жыл — Кыргыз Республикасынын оор атлетика боюнча эмгек сиңирген спорт чебери.
• 2022-жыл — Кыргыз Республикасынын Ардак грамотасы.
• 2026-жылдын 9-сентябры — Кыргыз Республикасынын дене тарбия жана спорт отличниги.