20-октябрь – Бүткүл дүйнөлүк статистика күнү

Бүгүн, Дүйнөлүк статистика күнү үчүнчү ирет белгиленип жатат. 2010-жылы БУУнун Статистикалык комиссиясынын 41-сессиясында Дүйнөлүк статистика күнүн белгилөө чечими кабыл алынып, ал беш жылда бир жолу өткөрүлөт.

Быйыл Бүткүл дүйнөлүк статистика күнү «Ишенимдүү маалыматтар – туруктуу келечектин негизи» деген ураан менен өтүүдө. Бул тууралуу аталган комитеттин маалымат сайтында жарыяланды.

Кыргызстандын мамлекеттик статистикасынын тарыхы дээрлик бир кылымды түзөт. Жыйнак жана маалыматтарды иштеп чыгуу системасы республикада жыйырманчы кылымдын башынан тартып калыптанып, бүгүнкү күндө улуттук статистиканын ийгиликтүү өнүгүүсүнүн үлгүсүнө айланды.  

Азыркы тапта Улутстатком 5 млн. жакын баштапкы көрсөткүчтөгү маалыматтарды чогултуу жана иштеп чыгууну камсыздап, жылына 24 миң статистикалык иштерди аткарат. Колдонуучуларга 350 статистикалык жыйнактар менен басылмалар сунушталат, ошондой эле экономикалык жана социалдык абалдын өнүгүшү боюнча түрдүү суроолор боюнча 900 экспресс-маалымат даярдалат.