Сеулда Кыргызстандын токой чарбасы боюнча жаңы долбоору бекитилди

Кыргызстан Сеулда өткөн AfoCO (Азия токой кызматташтыгы уюму) уюмунун 13-сессиясына жана Азия токойлору достугу форумуна катышканын Өзгөчө кырдаалдар министрлигинин алдындагы Токой кызматы билдирди. 

Кыргызстан атынан аталган иш чарага аталган кызматтын санариптик өнүгүү жана токой-мергенчилик чарбасы боюнча башкармалыктын жетекчиси Ызак Бекболот, Кара-Алма–Үрүмбаш токой чарбасынын директорук Элмирбек Анарбай уулу барган. 

Ассамблеянын жүрүшүндө Кыргызстандын 1,3 млн долларлык “Жашыл мурас улуттук демилгесин колдоо үчүн “Кыргызстандагы токой үрөндүк базасын кеңейтүү жана заманбап токой питомниги комплексин түзүү” жаңы долбоору каралып, бекитилди. 

Долбоордун негизги максаты:

-        Бактардын приоритеттүү түрлөрүнүн жакшы уруктарын чогултуучу жана сактоочу токой үрөн базасын түзүү;

-        Жогорку сапаттагы көчөттөрдү өндүрүү боюнча Манас шаарында заманбап токой питомнигин түзүү;

-         Жергиликтүү коомчулуктун катышуу деңгээлин жогорулатуу жана калктын жашоо шартын жапкшыртуу;

-         Acorn долбооруна фермерлерди тартып, аларга көчөттөрдү  сунуштоо менен CRU (Carbon Removal Units) төлөмү аркылуу киреше алууну камсыздоо.

“Бул долбоорду ишке ашыруу Токой кызматынын потенциалын чыңдап, заманбап токой үрөнчүлүтүк жана токой питомниктик инфраструктураны өнүктүрүүгө шарт түзөт”,-делет маалыматта.