Быйыл Бишкектеги турак үйлөр 35,7%га кымбаттаган
Кыргызстанда кыймылсыз мүлк рыногунда баалар өсүп, ал эми келишимдердин саны азайганы байкалганын Бишкек шаарында өткөн маалымат жыйынында "Эл аралык куруучулар ассоциациясы" юридикалык жактар бирикмесинин жетекчиси Кайнарбек Кулуев билдирди.
Анын айтымында, 2025-жылы Бишкек шаарында:
- турак үйлөрдүн баасы 35,7%га,
- батирлердин баасы 17,5%га жогорулаган.
Ал эми Ош шаарында:
- турак үйлөр 25,8%га,
- батирлер 22,8%га кымбаттаган.
"Кыймылсыз мүлккө баанын өсүшү жана келишимдердин санынын кыскарышы турак жайдын жеткиликтүүлүгү төмөндөп, калктын реалдуу сатып алуу мүмкүнчүлүгү азайып жатканын көрсөтөт", — деди Кулуев.
Кулуевдин пикиринде, мындай кырдаалдын негизги себептери болуп:
- жер тилкелеринин тартыштыгы,
- курулуш материалдарынын баасынын өсүшү,
- мамлекет тарабынан куруучуларга берилген жеңилдиктердин (преференциялардын) жоктугу саналат.
