Салыктык текшерүүлөргө жасалма интеллект киргизилеби?

Ишкер Media

30 дек. 2025 18:47

Кыргызстанда 2026-жылдан тартып салыктык текшерүүлөргө жасалма интеллект (ЖИ) киргизилерин "Салык Сервис" мамлекеттик мекемесинен билдиришти.

Маалыматка ылайык, акыркы төрт жылдын ичинде мекеме салык отчетторунун бардык түрлөрүн санариптештирип, cabinet.salyk.kg платформасы жана Salyk мобилдик тиркемеси аркылуу аралыктан төлөө мүмкүнчүлүгүн ишке киргизген.

2025-жылы иштеп чыгуучулар системага "Кезет" аттуу аналитикалык жасалма интеллект инструментин интеграциялашкан. Ал маалыматтарды иштетүүнүн тактыгын жогорулаткан. Ал эми 2026-жылы ЖИни колдонуу кеңейтилет — технология түздөн-түз салыктык текшерүүлөрдүн процессине киргизилет. Бул инспекторлордун ишин автоматташтырууга жана текшерүүлөрдү ачык-айкын жүргүзүүгө шарт түзөт.

Дүйнөлүк банктын маалыматына ылайык, 2025-жылы Кыргызстанда салык төлөө процесси аймактагы эң ыкчам болуп саналган.

2012–2023-жылдары салыктарды эсептөө процесси төлөөнүн өзүнө караганда жети эсе көп убакытты талап кылчу. Учурда бул айырма толугу менен жоюлду.

Мекеменин директору Шамшыбек Качкынбай уулу билдиргендей, "Салык Сервистин" негизги максаты — Салык кызматына кезекке турууну жана жеке барууларды жоюу болгон. Азыр жарандар декларация тапшырууда убакытты да, каражатты да үнөмдөп жатышат.

Мындан тышкары окуңуз

Салык кызматы айрым салык төлөөчүлөргө жеңилдик берүүнү сунуштады

Мамлекеттик салык кызматы 2025-жылдын 1-сентябрынан 2026-жылдын 31-августуна чейинки мезгилде бирдиктүү салыкты жана сатуудан алынуучу салыкты эсептик каттоого турган жери боюнча эмес, салыктык катталган жери боюнча төлөгөндөрдү салыктык жоопкерчиликтен бошотууну сунуштады. Буга чейин айрым салык төлөөчүлөр аталган салыктарды эсепке турган жеринин ордуна салыктык катталган жери боюнча төлөп

“Манас Деми” эл аралык марафонунун байге фонду 1 млн сомду түзөт

19-сентябрда Талас шаарында экинчи жолу Кыргызстандан жана башка өлкөлөрдөн келген жөө күлүктөр жарышат. Прзедиенттин Талас облусундагы ыйгарым укуктуу өкүлчүлүгүнүн маалыматына ылайык, жарыш "Манас Ордо" улуттук тарыхый-маданий комплексинин аймагында өтөт. Быйыл уюштуруучулар 1,5 миңге жакын катышуучуну күтүп жатат. Программада 21,1 км, 10 км жана 3

Кыргызстанда күйүүчү майга 1 млрд сом субсидия төлөндү

Кыргызстанда бензин, дизель майы жана автогаздын чекене баасын кармап туруу үчүн мунай сатуучуларга дээрлик 1 млрд сом субсидия төлөндү. Бул тууралуу Монополияга каршы жөнгө салуу кызматы билдирди. Маалыматка таянсак,, күйүүчү майдын өздүк наркы май куюучу жайлардагы баадан кыйла жогору. Айырмасын мамлекет бюджеттин эсебинен компенсациялап жатат. Мисалы, АИ-92 бензининин чыныгы

Ч.Айтматов проспектисинде светофорлор жаңыланууда

Чыңгыз Айтматов проспектисинде светофорлорду алмаштыруу жана жаңылоо иштери уланууда. Бул тууралуу муниципалитеттен билдиришти. Учурда адистер светофорлорду ишке киргизүү алдындагы жөнгө салуу иштерин жүргүзүп, алардын фазаларын жана иштөө циклдерин тууралашууда. Буга байланыштуу айрым кесилиштердеги кошумча светофор секциялары убактылуу иштебей турат. Маалыматка ылайык, эки күндүн ичинде светофорлордун фазалары жана иштөө циклдери толук