Ысык-Көлдө балык уулоо эрежелерин бузган 11 учур катталды
Ысык-Көлдө балык уулоо эрежелерин бузган 11 факт аныкталды. Бул тууралуу Жаратылыш ресурстары, экология жана техникалык көзөмөл министрлигинин басма сөз кызматы билдирди.
Маалыматка ылайык, бир апталык рейд Ысык-Көл жана Соң-Көлдө балыкты өндүрүштүк кармоого чектөө киргизүү жана экологиясын сактоо боюнча чараларды күчөтүү жарлыгы боюнча өткөрүлдү.
Ысык-Көл регионалдык башкармалыгы балык уулоо эрежелерин бузган жарандарды аныктап, тиешелүү протоколдор түзүлдү. Мыйзам бузгандарга административдик чара көрүлдү.
Жаратылыш ресурстары министрлигинин Ысык-Көл регионалдык башкармалыгы көлдүн экологиялык тең салмактуулугун сактоо, балык ресурстарын коргоо жана мыйзамсыз балык уулоонун алдын алуу боюнча көзөмөл жана рейддик иш-чараларды мындан ары да улантат.
