Үч-Коргон ГЭСинде 4 гидроагрегат тең жаңыланды
"Электр станциялары" ААКтын Үч-Коргон ГЭСинде модернизациялоодон өткөн төрт гидроагрегаттын акыркысы — №1 гидроагрегат ишке киргизилди.
Энергетика министрлиги билдиргендей, ГЭтеги гидроагрегаттын баарында модернизациялоо иштери аяктап, станциянын жалпы кубаттуулугу 36 МВтка жогорулады.
Буга чейин гидроагрегаттардын жалпы кубаттуулугу 180 МВтты түзсө, модернизациялоо иштери аяктагандан кийин 216 МВтка жетти.
"2026-жылдын ичинде компания бир эле учурда эки гидроагрегатты — №2 жана №1 гидроагрегаттарды жаңыртууну аяктады", - дешти мекемеден.
Маалымат үчүн: Үч-Коргон ГЭСи Жалал-Абад облусунда, Нарын дарыясынын боюнда жайгашкан. Станция 1961–1962-жылдары пайдаланууга берилген. 60 жылдан ашык убакыттан бери иштеп келе жаткан станцияда бул негизги жабдууларды жаңыртуу боюнча алгачкы масштабдуу модернизациялоо болуп саналат.
Күндүн негизги жаңылыктары — Telegram каналыбызда
Каналга катталуу