130 жогорку класстын окуучусу Яндекс Кыргызстандын программалоо мектебин бүтүрүштү
Яндекс Кыргызстандын программалоо мектебинде окуу жылы жыйынтыкталды. Бишкек, Каракол жана Кербенден келген 130 өспүрүм программалоонун негиздери боюнча акысыз курстан өтүштү. Алар алган билим эми IT-инженерия жана илимий багытта андан ары окуусу үчүн негиз боло алат.
Жыл бою 14 жаштан 17 жашка чейинки өспүрүмдөр программалоонун негизги тилдеринин бири болгон Pythonду, ошондой эле алгоритмдерди, иштеп чыгуу инструменттерин үйрөнүштү. Практикалык сабактарда окуучулар реалдуу тапшырманы чечүү үчүн программаларды жазганды өздөштүрүштү. Сабактар жумасына эки сааттан эки жолу өткөрүлүп турду.
2025-жылы программага 1300дөн ашык арыз берилген. Мындай жогорку суроо-талаптан улам, орундардын саны эки эсе көбөйгөн. Мындан тышкары, бул программа Бишкекте гана эмес, башка аймактын окуучуларына да жеткиликтүү болушу үчүн онлайн-окутуу ишке киргизилген.
Программалоо мектебинде - иштеп чыгуучулар, ЖОЖ окутуучулары, мектеп мугалимдери жана техникалык тармактагы алдын ала тандалган жогорку класстын окуучулары сабак өтүшөт. Программа №75 орто мектеп-лицейде, №62 окуу-тарбия комплекси мектеп-гимназиясында, №53 орто мектепте жана Б.Н. Ельцин атындагы Кыргыз-Россия Славян университетинде ишке ашырылат.
Сентябрь айында Яндекс Кыргызстандын программалоо мектебине жаңы окуу жылына карата окуучуларды кабыл алуу башталат. Тандоонун башталышы тууралуу маалымат долбоордун сайтында жарыяланат: https://codingschool.yandex.com/. Ага тапшыруу үчүн окуучулар тесттен жана маектешүүдөн өтүшү шарт.
Программалоо ар кандай кесиптик тармактагы тапшырмаларды чечүү үчүн: тиркемелерди түзүүдөн, жасалма интеллект системасы жана мобилдик оюндарды иштеп чыгуудан баштап, процесстерди автоматташтыруу жана физикалык процесстерди моделдөө сыяктуу илимий жана инженердик маселелерди чечүүгө чейин мүмкүнчүлүктөрдү ачат.
