2025-жылы Кыргызстанга которулуп келген акчанын агымы 23% өстү
2025-жылдын жыйынтыгы боюнча Кыргызстанга которулуп келген акчанын таза агымы 2024-жылга салыштырмалуу 23% өстү. Бул тууралуу КРнын төрагасынын орун басары Азат Козубеков билдирди.
Улуттук банктын маалыматына караганда, коммерциялык банктардын мезгил - мезгил менен берилүүчү регулятивдик банктык отчетуна ылайык, 2024-жылы чет өлкөдөн Кыргызстанга которулган каражат 2 млрд 989 млн $ барабар болсо, 2025-жылы бул көрсөткүч 3 млрд 223млн $ болгон.
Ал эми Кыргызстандан 2025-жылы чет өлкөгө которулган акча 2024-жылга салыштырмалуу азайган. Тагыраагы, Кыргызстандан 2024-жылы 445,8 млн $ акча которулса, 2025-жылы 352,1 млн $ которулган.
Акча которуулардын басымдуу бөлүгү Россия Федерациясынан Кыргызстанга жана тескерисинче, Кыргызстандан Россияга жүргүзүлүп турат.
Белгилей кетсек, жеке адамдардын эл аралык акча которуулары акча которуу системаларын, банктык мобилдик тиркемелерди жана электрондук капчыктарды колдонуу менен жүзөгө ашырылат.
