Нарын өрөөнүнүн окуучуларына финансылык сабаттуулук сабактары берилүүдө
Региондордо калктын финансылык сабаттуулугун жогорулатуу боюнча иш-чаралар планынын алкагында, КРнын Улуттук банкынын кызматкерлери Нарын районунун Жалгыз-Терек айылынын Р.Усубалиев атындагы орто мектебинин окуучулары үчүн финансылык сабаттуулук боюнча сабак өткөрүштү.
Улуттук банктын билдирүүсүнө караганда, иш-чаранын жүрүшүндө Нарын областтык башкармалыктын адистери ФКУдын ишмердүүлүгү, үй-бүлөлүк бюджет, төлөм системасы жана QR-коддор тууралуу кеңири маалымат беришти.
Ошондой эле, акыркы кезде элдин көйгөйүнө айланган финансылык алдамчылык тууралуу талкуу жүргүзүлдү. Ушуга байланыштуу «Түндүк» тиркемеси аркылуу кредит алууга өзүнө-өзү тыюу салууну активдештирүү жана чектөөнү алып салуу тартиби окуучуларга тажрыйба жүзүндө көргөзүлүп берилди.
