Кыргызстанда жүгүртүүдөгү акчанын жалпы көлөмү 300,8 млрд сомду түздү
2026-жылдын 1-январына карата Кыргызстанда жүгүртүүдөгү акчанын жалпы көлөмү 300 млрд 778,3 млн сомду түздү. Анын ичинен 36 млрд 166,7 млн сом коммерциялык банктардын кассаларында, ал эми 264 млрд 611,6 млн сом банк тутумунан тышкары жүгүртүүдө болгон. Бул тууралуу Улттук банктан билдиришти.
Бул көрсөткүч өткөн жылдын ушул мезгилине салыштырмалуу 51 млрд 822,1 млн сомго же 24,4%га өскөн.
2025-жылдын IV чейрегинде коммерциялык банктардын кассаларына республика боюнча 1 трлн 680 млрд 175,6 млн сом нак акча келип түшкөн. Бул 2024-жылдын ушул эле мезгилине салыштырмалуу 264 млрд 920,6 млн сомго же 18,7%га көп.
Ошол эле мезгилде коммерциялык банктардын кассаларынан 1 трлн 692 млрд 591,4 млн сом нак акча берилген. Бул көрсөткүч өткөн жылга салыштырмалуу 271 млрд 568,5 млн сомго же 19,1%га жогорулаган.
2025-жылдын IV чейрегинде коммерциялык банктардын кассаларына нак акчанын кайтарымдуулугу 99,3%ды түзүп, 2024-жылдын тиешелүү мезгилине салыштырмалуу 0,3%дык пунктка төмөндөгөн.
