Улуттук банк 3 акча алмаштыруучу жайга айып пул салды
Улуттук банк мыйзам талаптарын бузгандыгы үчүн Бишкек жана Кант шаарларындагы 3 алмашуу бюросуна айып пул салды. Бул тууралуу Улуттук банктан билдиришти.
Маалыматка ылайык, Кыргыз Республикасынын мыйзамдарынын жана Улуттук банктын ченемдик укуктук актыларынын талаптарын бузууга жол бергендиги үчүн Бишкек шаарындагы эки алмашуу бюросуна жана Кант шаарындагы бир алмашуу бюросуна административдик чара колдонулду.
Текшерүүнүн жыйынтыгында ар бир алмашуу бюросуна 55 000 сом өлчөмүндө айып пул салынды.
