Экономика

Быйыл 1 825 адам "Социалдык келишим" программасына катышууга арыз жолдоду

Мелис Совет уулу

12 мар. 2026 11:22

11-мартка карата республика боюнча "Социалдык келишим" программасына катышуу үчүн 1 825 арыз келип түшкөнүн Эмгек, миграция жана социалдык камсыздоо министрлигинин басма сөз кызматы билдирди.

Маалыматка ылайык, учурда 607 үй-бүлө менен социалдык келишим түзүлгөн, мында долбоорлордун эң көп саны айыл чарба тармагында (341 келишим) ишке ашырылууда.

Министрликте белгилешкендей, 2026-жылы республика боюнча 13 333 аз камсыз болгон жана муктаж үй-бүлө "Социалдык келишим" программасынын алкагында 150 миң сомдон ала алышат.

Ведомстводо эске салышкандай, аз камсыз болгон жана жакыр үй-бүлөлөрдү колдоого багытталган "Социалдык келишим" программасы 2022-жылдан тартып президенттин демилгеси менен ишке ашырылып келет.

Долбоор ишке ашырылган төрт жылдын ичинде 48 557 үй-бүлө менен социалдык келишим түзүлүп, алар өздөрүнүн бизнес-демилгелерин ишке ашырып жатышат. Долбоорлордун басымдуу бөлүгү айыл чарба тармагына туура келет — 73,3%, өндүрүш тармагында — 13,8%, соодада — 6,7%, ал эми кызмат көрсөтүү тармагында — 6,2%.

Башында социалдык келишим боюнча жардамдын көлөмү 100 миң сомду түзгөн, бирок 2025-жылдан тартып ал 150 миң сомго чейин көбөйтүлгөн.

Социалдык келишимди алгачкылардан болуп алган үй-бүлөлөрдүн ичинен 14ү жылдык кирешесин 1 млн сомдон жогору деңгээлге жеткирген.

Белгиленгендей, долбоорго катышкандардын 94,2%ын аялдар түзөт, алардын көбү айыл жергесинде жашашат. Программаны ишке ашыруунун натыйжасында 57 миңден ашык кошумча жумуш орду түзүлгөн.

Мындан тышкары окуңуз

Кеминдеги Тар-Суу – Тегирменти жолу оңдолууда

Кемин районунун акими К.Тутуев Карал-Дөбө айылына баруучу Тар-Суу – Тегирменти автожолунда жүргүзүлүп жаткан оңдоо иштеринин жүрүшү менен жеринен таанышты. Кемин райондук админстрациясынын маалыматына ылайык, учурда республикалык бюджеттин эсебинен жалпы узундугу 4 чакырым болгон жолго асфальт төшөө иштери жүргүзүлүүдө. Район акими курулуш иштеринин сапатына жана белгиленген мөөнөттө бүткөрүлүшүнө өзгөчө

Бишкекте 8 автобустук каттамдын багыты өзгөртүлөт

Бишкек шаарынын мэриясы коомдук транспорттун ишин жакшыртуу жана жүргүнчүлөрдү тейлөөнүн сапатын жогорулатуу максатында автобустук каттамдарды оптималдаштыруу иштерин улантууда. Бишкек шаардык мэриясынын маалыматына ылайык,1-июлдан тартып борбор калаадагы №100, №101, №13, №33, №40, №44, №104 жана №226 автобустук каттамдардын кыймыл чиймесине өзгөртүүлөр киргизилет. Өзгөртүүлөр коомдук транспорттун жеткиликтүүлүгүн жогорулатууга, каттамдардын натыйжалуулугун

Кадамжайдагы Кожо-Ашкан дарыясы 35 млн сомго бекемделди

Баткен облусунун Кадамжай районунун Кожо-Ашкан дарыясынын 880 метр аралыгы бекемделди. Анын ичинен Чоң-Гара айылында 500 метр, Кызыл-Коргон айылында 380 метр бекемделди. Бул тууралуу облустук өкүлчүлүктөн билдиришти. Бул жумуштар үчүн 2025-жылы республикалык бюджеттин эсебинен 20 млн сом, 2024-жылы Баткен облусун Өнүктүрүү фондунан 15 млн сом акча

Жаңы тез жардам унаалары сатылып алынат

Тез жардам кызматынын иши менен жеринен таанышуу максатында Саламаттык сактоо министри Дамир Осмонов Бишкек шаардык Тез жардам борборуна барды. Саламаттык сактоо министрлигинин маалыматына ылайык, министр диспетчердик борбордун иши, чакырууларды кабыл алуунун автоматташтырылган системасы жана бригадалардын ишин координациялоо тартиби менен таанышты. Иш сапардын жүрүшүндө жол-транспорт кырсыгы тууралуу чакыруу түшүп, министр