Энергетика

Чүй жана Талас облустарында темир-бетон буюмдарды жасоочу цех курулат

Мелис Совет уулу

12 мар. 2026 11:42

Энергетика министрлигинин жүргүзүп жаткан реформасынын алкагында, "Кыргызстан улуттук электр тармагы" ААКы өздүк каражатынын эсебинен Талас жана Чүй облустарында темир-бетон буюмдарын жасоочу цехти ишке киргизүүнү пландаштырып жатканын ведомствонун басма сөз кызматы маалымдады.

Учурда темир-бетон буюмдарын жасоочу цехтин жерлери такталып, долбоору чийилип, тендер аркылуу куруучу фирма аныкталып, тиешелүү документтер даярдалып бүттү.

Күндүн жылышы менен курулуш иштери башталат. Бул темир-бетон жасоочу цехтин ишке берилиши менен Талас, Чүй облустары жана Бишкек шаары темир-бетон электр мамылары жана башка темир-бетон буюмдары менен толук камсыз болот.

Муну менен катар кошумча жумушчу орундар түзүлүп, өндүрүлгөн буюмдар облустун энергетика тармагын жаңылоо үчүн колдонулат. Ошондой эле аймактагы капиталдык курулуш объектилерин сапаттуу жана жеткиликтүү баада камсыз кылууга өбөлгө түзөт.

Темир-бетон буюмдарды жасоочу цехтин курулуш иштерин ушул жылдын август-сентябрь айларында аяктап, ишке берүү пландаштырылып жатат.

Мындай темир-бетон буюмдарды жасоочу цехтер Ысык-Көл, Нарын, Жалал-Абад, Ош облустарында бар. Бир жылдык өндүрүү 12000 даана. Электр менен камсыздоо маселелери боюнча кошумча маалымат алуу үчүн "Кыргызстан улуттук электр тармагы" ААКтын күнү-түнү иштеген колл-борборуна кайрылсаңыздар болот: 105 (чалуу акысыз) +996 772 001209, 0556 001209 WhatsApp: +996 702 001209

Мындан тышкары окуңуз

Нарында жана Бишкекте жер титиреди

12-августта саат 13:15 чамасында Кыргызстанда алдын ала маалымат боюнча 4,8 баллга жеткен жер титирөө катталды. Жер титирөөнүн очогу Нарын облусунун Кочкор районуна жакын жерде жана Бишкектен 124 чакырым алыстыкта болгону айтылууда. Бишкек шаарында да жер титирөө катталды. Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен

Кара-Суу райондук электр тармактары ишканасынын кызматкери кармалды

Кара-Суу районунда электр тармактарынын кызматкери кармалды, ал маселени чечүү үчүн 12 миң сом талап кылган деп шектелүүдө. Бул тууралуу Ош облустук ички иштер башкармалыгынын басма сөз кызматынан билдиришти. Маалыматка ылайык, 4-августта Кара-Суу районунун 29 жаштагы тургуну арыз менен кайрылган. Анын айтымында, мамлекеттик мекеменин кызматкери андан акча талап

Кыргызстанга электромобилдерди ташып кирүү квотасы көбөйтүлдү

Кыргызстанга электромобилдерди бажы төлөмү жок ташып кирүү квотасы 15 миңден 25 миңге чейин көбөйтүлдү. Чечим 17-августтан тарта күчүнө кирет. Учурдагы 15 миң унаага эсептелген квота 2026-жылдын июль айынын башында түгөнгөн. Белгиленген чектен ашык импорттолгон электромобилдерге бажы төлөмү унаанын бажылык наркынын 15%ын түзөт. Эскерте кетсек, өткөн жылы да

Кыргыз-кытай аймактар аралык кызматташтыгын кеңейтүү макулдашылды

Ош шаарынын мэри Жанарбек Акаев Кытайдын калаадагы Башкы консулу Лю Минчэни кабыл алып, кыргыз-кытай мамилелерин жана аймактар аралык кызматташтыкты өнүктүрүү маселелерин талкуулады. Мэриянын басма сөз кызматынын маалыматына ылайык, жолугушууда соода-экономикалык, инвестициялык, транспорттук-логистикалык жана туристтик багыттардагы кызматташтыкты кеңейтүүгө өзгөчө көңүл бурулду. Жанарбек Акаев кытайлык инвесторлордун Ош шаарына кызыгуусу