Банктар

Улуттук банк: эски эмес чет өлкө валюталарын 1-октябрга чейин сыртка алып чыгуу керек

Ишкер Media

13 мар. 2026 17:30

Улуттук банк Башкармасынын 2026-жылдын 11-мартындагы "КРнын Улуттук банк Башкармасынын 2025-жылдын 14-июлундагы "КРнын коммерциялык банктарына эскилиги жете элек нак чет өлкө валютасын сыртка алып чыгууга убактылуу уруксат берүү жөнүндө" токтомуна өзгөртүүлөрдү киргизүү жөнүндө" токтому кабыл алынды.

Ага ылайык, "2026-жылдын 1-апрелине" деген сөздөр жана сандар "2026-жылдын 1-октябрына" деген сөздөргө жана сандарга алмаштырылды. Эми коммерциялык банктарга 2026-жылдын 1-октябрына чейин эскилиги жете элек накталай чет өлкө валюталарын сыртка алып чыгууга уруксат.

Улуттук банктын басма сөз кызматынан маалымдагандай, бүгүнкү күндө валюта рыногундагы кырдаал салыштырмалуу туруктуу. Өлкөнүн банк системасында калктын суроо-талабын канааттандыруу үчүн накталай АКШ доллары жетиштүү.

“Кассадагы чет өлкө валютасындагы накталай акча калдыктарын тескөө жана эсептешүүлөрдү накталай эмес түрдө үзгүлтүксүз тейлөөнү камсыз кылуу максатында, коммерциялык банктар эскилиги жете элек накталай АКШ долларларынын топтолушуна жараша, эскилиги жете элек накталай чет өлкө валютасын, анын ичинде АКШ долларын да өлкөдөн тышкары алып чыгуусу зарыл”- деп, Улуттук банктан түшүндүрүштү.

Маалыматка караганда, бул операциялар аларды тиешелүү накталай эмес чет элдик валютага алмаштыруу үчүн жүргүзүлөт. Буга байланыштуу, эскилиги жете элек накталай АКШ долларын 2026-жылдын 1-октябрына чейин Кыргыз Республикасынын чегинен тышкары алып чыгууга убактылуу уруксат берүү жөнүндө чечим кабыл алынды.

Мындан тышкары окуңуз

Жылдыз Асанакунова: Кыргызстанга австралиялык туристтер көп келүүдө

2020-2021-жылдарга чейин өлкөгө жылына 2-3 миллион гана турист келсе, бүгүнкү күндө бул көрсөткүч 13 миллионго жеткенин мамлекет башчысы Садыр Жапаров билдирген. Бүгүнкү күндө өлкө боюнча туризмдин абалы кандай? Анын мамлекеттин экономикасына кошкон салымы канчалык? Ушул өңдүү суроолорго жооп алуу үчүн "Ишкер медиа" сайты туризм боюнча

Бишкектеги Краснодар көчөсү оңдоп-түзөөдөн өткөрүлдү

13-августта Бишкек шаарынын Ленин районунда Краснодар көчөсүнүн капиталдык оңдоп-түзөөдөн кийинки ачылыш болду. Жаңыланган тилке Б. Алыкулов көчөсүнөн Тирасполь көчөсүнө чейинки аралыкты камтыйт. Бул тууралуу Бишкек шаардык мэриясынан билдиришти. Маалыматка ылайык, оңдоп-түзөөдөн өткөн жол тилкесинин узундугу 510 метрди түзөт. Капиталдык оңдоо иштерин “Су-4 Кара-Балта” ЖЧКсы подряддык

Ош шаарындагы Б.Осмонов көчөсү 15 күнгө жабылды

Ош шаарында 15-августтан 30-августка чейин Б. Осмонов көчөсүнүн Мукумий көчөсүнөн Достук айлампасына чейинки бөлүгү убактылуу жабылат. Ош шаардык мэриясы, Б. Осмонов көчөсүнөн Мукумий, А.Атаканов көчөлөрү аркылуу альтернативдүү жол аркылуу убактылуу каттоону өтүнөт. Ошондой эле Төлөнов көчөсүн оңдоп-түзөөгө байланыштуу Саргалчаев, Абжалов көчөлөрү 15-августтан тарта убактылуу жабылды.

Нарын – Баетов жолуна асфальт төшөлүүдө

Нарын облусунун Ак-Талаа районундагы Нарын –Баетов унаа жолунун 84 – 115-чакырым аралыгында курулуш иштери активдүү улантылууда. “Кыргызавтожол-Түндүк” ишканасынын маалыматына ылайык, жалпы узундугу 31 чакырымды түзгөн аталган тилкенин бүгүнкү күндө 25 чакырымына асфальттын экинчи катмары төшөлүп бүттү. Курулуш иштерин №1 Жол куруу башкармалыгы жүргүзүүдө. Учурда жолдун калган бөлүгүндө асфальт