Банктар

Керектөөчү кредит жөнүндө мыйзамга өзгөртүү киргизүү сунушталды

Ишкер Media

Керектөөчү кредит жөнүндө мыйзамга өзгөртүү киргизүү сунушталды

Кыргыз Республикасынын Улуттук банкы «КРнын Улуттук банкынын айрым ченемдик укуктук актыларына өзгөртүүлөрдү киргизүү жөнүндө» токтом долбоорун коомдук талкууга чыгарды. Аталаган долбоор Улуттук банктын ченемдик укуктук актыларын КРнын “Керектөөчү кредит жөнүндө” жана “Банктык укуктук мамилелердин маселелери боюнча КРнын айрым мыйзам актыларына өзгөртүүлөрдү киргизүү жөнүндө” 2 мыйзамына ылайык келтирүү максатында иштелип чыккан.

Долбоордо бир катар маанилүү өзгөртүүлөр каралган. Атап айтканда, «керектөөчү кредит» жана анын «толук наркы» түшүнүктөрү киргизилет. Мындан тышкары, банктарга, микрофинансылык уюмдарга жана кредиттик союздарга карыз алуучунун карыздык жүгүн эсептөө боюнча так талаптар коюлат. Ошондой эле кредиторлор кардарларды келишим түзүүдөн мурда тобокелдиктер тууралуу милдеттүү түрдө кабардар кылууга тийиш болот. Эгер карыздык жүк 60%дан ашса, жоопкерчилик чаралары колдонулушу мүмкүн экени да эскертилет.

Долбоордогу дагы бир маанилүү норма — керектөөчү кредит боюнча бардык төлөмдөрдүн жалпы суммасы (пайыздар, комиссиялар, айыптар жана башкалар) негизги карыздын 60%ынан ашпоого тийиш. Мындан сырткары, бир кредитти кайра каржылоо эки жолудан ашпоосу сунушталууда.

Кредиторлор кардарларга кредит тууралуу толук жана түшүнүктүү маалыматты, анын ичинде пайыздык чендерди жана бардык чыгымдарды ачык көрсөтүүгө милдеттендирилет. Ошондой эле пайыздык чендер өзгөргөн учурда бул маалымат расмий сайттарда өз убагында жарыяланышы керек болот.

Мындан тышкары, документ Улуттук банкка мыйзам талаптарын бузган каржы уюмдарына карата таасир этүү чараларын күчөтүү ыйгарым укуктарын берет.

Жаңылыктар биздин Телеграмм каналда

Мындан тышкары окуңуз

Бишкектеги Киев көчөсүнүн бир бөлүгү жабылат

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.
Өлкө аймагында абанын табы 40 градуска жетери кабарланды

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:
Ноокатта 5 социалдык имараттын курулушу башталды

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.
Ветеринардык көзөмөл посттору текшерилди

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”