Кыргызстандан - Өзбекстанга комиссиясыз акча которууга болот
Эми “Элкарт Мобайл” тиркемеси аркылуу Кыргызстандан Өзбекстанга акча которуу кыйла оңой жана пайдалуу болуп калды. Бул тууралуу «Элкарт» улуттук төлөм системасынан кабарлашты.
Билдирүүгө караганда, которулган акча картага бир заматта алуучунун картасы же телефон номеринин жардамы менен аткарылат. Бул жеңилдик эки багыттан бирдей иштейт. Которууну Кыргызстандан Өзбекстанга жана кайра Элкарт карталарына которсо болот.
Мындан сырткары Элкарт картасы менен Өзбекстанды кыдырып, сатып алган нерселериңиз үчүн төлөм жүргүзүп жана акчаны алмаштырып жүрбөстөн накталай чыгарып алууга да болот. Эң башкысы уюлдук телефондо “Элкарт Мобайл” тиркемесин жүктөп алуу талап кылынат.
💡
“Элкарт” — бул накталай эмес төлөмдөрдү, акча которууларды жана QR-төлөмдөрдү коопсуз жүргүзүүгө мүмкүндүк берген Кыргызстандын негизги улуттук төлөм системасы болуп саналат.
